相信大家去到一啲標榜健康飲食嘅餐廳都有見過無麩質嘅餐點,但你哋又知唔知無麩質係咩意思?麩質係咩呢?點解要戒食含麩質嘅食物?想知道嘅話就繼續睇落去啦〜 麩質係咩? 麩質亦即係「麵筋」,係蛋白質嘅一種,可以喺小麥、大麥、黑麥等全穀物入面搵到。由於麩質有助麵團喺烘焙過程中膨脹,令食物有更豐富嘅口感,所以被廣泛使用於製作麵包、蛋糕同餅乾等食物。除咗佢哋之外,部分食品例如楓糖、雪糕、醬料等都可能搵到麩質嘅蹤影。 麩質有咩壞處? 麩質由多種蛋白質所組成,一般人可以正常消化麩質,但部分患有麩質不耐症及乳糜瀉嘅人喺進食含麩質嘅食物後,未能完全消化,以致部分蛋白質停留於小腸,小腸嘅免疫系統產生反應,令身體出現過敏癥狀,例如:肚瀉、腹脹、出疹、喉嚨腫...